The Exceptionals

We are the unco, byous, braw exceptionals!
Push it intae words, bang it doon tae the table in Inglis, this is ma hert, this is ma heid. Whack: Ah’m fae Glesga. Aye! Aye! Aye!

Claimed it, cherished it, chanted it, aye
Never earnt it but
never really looked at it in a mirror
never really mended it, missed it
Jis cherished it kissed it

This is who we are so haud ontae it – the mauments we were guid, see that, see that, that’s Scotland, aye, that’s us. Miners. Inventors. Poleteecians. That’s us. Clearances, aye. Hume. David Hume. That’s us…och its gone again, but did you see it there, aye? Aye.
Get it awa fae ye the mauments we were hertless, racist, cruel, the mauments we didna care, the mauments we looked awa an ravaged your country bare. Aye. Aye. A poke in the ‘aye’. Oor history’s blue and white wi no blood red, oor country’s sober, fat, unfed,
we are the unco byous braw exceptionals
repeat it believe it repeat it believe it
it wisna me
repeat it believe it
it wisna me

See, it wis aw ae us, cept when it wisnae
Close the curtains, open the blogs, let the guid stuff in
Mebbe Scotland’s mair than whit ye think it is
And at the same time? Mebbe Scotland’s less
Close the blogs, open the curtains, let the guid stuff in

Ower muckle poetry oan wan wird politeecs
No jis aye or naw but ane an aw
the kick, the blaw
dinna say your for us or agin us
we ken wir aw saunts an sinners

::Published in Aiblins: New Scottish Political Poetry (Luath Press)

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>